"आई "
सागराच्या खळखळत्या पाण्याला,
सळसळत्या वाऱ्याची साथ आहे....
हे सूंदर आयुष्य जगण्याला,
आई! तुझाच प्रेमरूपी हात आहे.....
सूर्याच्या तेजोमय अस्तित्वाला,
सोनेरी किरणांची साथ आहे...
जीवनातील सुख दुःखांच्या वळणावरती,
आई ! तुझाच आधार आहे...
सुगंधी फुलांच्या फुलण्याला,
पानांमधील दवबिंदुंची साथ आहे....
ह्या आयुष्यातील खडतर प्रवासाला,
आई ! तुझाच मार्ग आहे....
धरणीमातेच्या संसाररूपी मार्गावरती,
भल्यामोठ्या वादळांची वाट आहे....
आयुष्यातील प्रत्येक संकटांना बाजूला सारायला,
आई ! तुझाच उपदेश आहे....
बरसणाऱ्या मेघांना,
लखलखणाऱ्या विजांची साथ आहे....
आयुष्यामधे यशस्वी व्हायला,
आई ! तुझीच शिकवण आहे....
म्हणूनच म्हणतात आई तू आहेस म्हणून सर्व आहे!!!!!
कवियित्री - सौ. अनुष्का हणमसागर
छान अगदी समर्पक
ReplyDelete